പയറുവര്‍ഗ്ഗ വിഭവങ്ങളുമായി കാഞ്ഞിരപ്പൊയിലിലെ ചുണക്കുട്ടികള്‍
പയറുവര്‍ഷമായിആചരിക്കുന്ന ഈ വേളയില്‍ പയറുകള്‍ കൊണ്ട് വിസ്മയകരമായ വിഭവങ്ങള്‍ തീര്‍ത്ത് കാഞ്ഞിരപ്പൊയിലിലെ ചുണക്കുട്ടികള്‍ സ്കൂളിലെത്തി. ചിലരുടെ പയറു വിഭവങ്ങള്‍ അമ്മമാരാണ് ഉണ്ടാക്കികൊടുത്തത്.എന്നാല്‍ ചിലരാകട്ടെ സ്വന്തം പാചകപരീക്ഷണത്തില്‍ വിജയികളായി. തുവര,ഉഴുന്ന്,ചെറുപയറ്‍,വന്‍പയറ്‍,മുതിര മുതലായ എല്ലാ പയറുകളും വിഭവങ്ങളില്‍ സ്ഥാനം പിടിച്ചു.ഇഡ്ഡലി,വട,പായസം ,വറവ്,ചമ്മന്തി എന്നീ സാധാരണ വിഭവങ്ങള്‍ മുതല്‍ കട്ളറ്റ്,ഹലുവ,ലഡ്ഡു എന്നീ വൈവിധ്യങ്ങളായ ഇനങ്ങളും വിദ്യാലയാങ്കണത്തില്‍ നിരന്നുസ്കൂള്‍ അധ്യാപകന്‍ വിനോദ് മാസ്റ്ററുടെ നേതൃത്വത്തില്‍ നടന്ന പരിപാടി മടിക്കൈ പഞ്ചായത്ത് പ്രസിഡണ്ട് ഉദ്ഘാടനം ചെയ്തു.ചടങ്ങില്‍ പുരുഷോത്തമന്‍ മാസ്റ്റര്‍, നന്ദകുമാര്‍ മാസ്റ്റര്‍ പി.ടി.എ യിലെ രാജന്‍ (പ്രസി),ഗോപാലന്‍(വൈ.പ്ര),മദര്‍ പി.ടി.എ അംഗങ്ങളും സ്കൂള്‍ അധ്യാപക-അനധ്യാപകരും ഊര്‍ജ്ജസ്വലതയോടെ പ്രവര്‍ത്തിച്ചു. .കൂടാതെ ഹരിനാരായണന്റെ നേതൃത്വത്തില്‍ അധ്യാപകരും സ്കൂള്‍ പാചകക്കാരും ചേര്‍ന്ന് പാചകം ചെയ്ത തുവരപ്പായസവും
പ്രശംസായോഗ്യമായി.
